1 Kings 22

Ahab Langah Micaiah in Thugenkhol

1Aram le Israel kikal ah kum thum sung gal kidona a om kei hi. 2Ahi hangin a kumthumna ah Israel kumpipa tawh kimu dingin Judah kumpipa Jehoshaphat a paisuk hi. 3Israel kumpipa in a uliante tungah, “Ramoth Gilead ei aa hi napi bangmah cih loin Aram kumpipa tung pan i lak kik loh lam na thei uh hiam?” a ci hi. ^a

4 Tua ciangin amah in Jehoshaphat kiangah, “Ramoth Gilead nong simpih ding hiam?” ci-in a dong hi. ^b

Jehoshaphat in Israel kumpipa kiangah, “Nang tawh a kibang ka hi hi, ka mite nang mi hi-a, ka sakolte nangma sakol ahi hi,” ci-in a dawng hi. 5Ahi hangin Jehoshaphat in zong Israel kumpipa kiangah, “A masa penin TOPA thu dong in,” a ci hi.

6 Tua ciangin Israel kumpipa in kamsangte kikhawmsak a - mi zali khawng - amaute kiangah, “Ramoth Gilead sim dingin ka kuan ding hiam, ahikeh ka thuak lel ding hiam,” ci-in a dong hi.

Amaute in, “Kuan in, Topa in kumpipa khutah hong pia ding hi,” ci-in a dawng uh hi. ^c

7 Ahi hangin Jehoshaphat in, “Hih lai-ah i dot theih ding TOPA kamsang khat om lo hiam?” ci-in a dong hi.

8 Israel kumpipa in Jehoshaphat kiangah, “TOPA thu i dot theih ding mi khat om lai hi, ahi hangin amah ka mudah hi, bang hang hiam cih leh kei tawh kisai a hoih khat beek genkhol ngei lo-a a sia bekbek a gen hi. Amah Imlah tapa Micaiah ahi hi,” ci-in a dawng hi. ^d

Jehoshaphat in, “Kumpipa in tua bang ci kei in,” ci-in a dawng kik hi.

9 Tua ciangin Israel kumpipa in a uliante khat sam-a, “Imlah tapa Micaiah hong sampak dih un,” a ci hi.

10 Israel kumpipa le Judah kumpipa Jehoshaphat in a kumpi puan uh silhin Samaria lutna kongpi kianga ancilna phualzanga, kumpi tokhom tungah tu uh a, amaute mai-ah kamsang khempeuh in kam a sang uh hi. 11Tua laitakin Kenaanah tapa Zedekiah in sik kite bawl a, “TOPA thugen hih ahi hi: ‘Aram-te a kisiat khit matengin hihte tawh na piik ding uh hi,’ ci hi,” ci-in a gen hi. ^e

12 Kamsang dangte khempeuh in a kibangin kam a sang uh hi. Amaute in, “TOPA in kumpipa khutah hong pia ding ahi manin Ramoth Gilead simin gualzo in,” a ci uh hi.

13 Micaiah sam dinga pai kamtaipa in a kiangah “En in, kamsang dangte khempeuh in mi khat gen bangin kumpipa zawh dingin a gen uh hi. Nang zong amaute aa tawh kibang sak inla a gum lamin pau lel in,” a ci hi.

14 Ahi hangin Micaiah in, “TOPA nuntakna lo a ka cih inah TOPA in kei tunga hong gen bek ama tungah ka gen thei hi,” a ci hi. ^f

15 Amah a tun ciangin kumpipa in, “Micaiah, Ramoth Gilead sim dingin ka kuan ding uh hiam; ahikeh ka thuak lel ding hiam?” ci-in a dong hi.

“TOPA in kumpipa khutah hong pia ding hi; sim in na zo ding hi,” ci-in a dawng hi.

16 Kumpipa in, “Bangmah dang gen loin thutak na gen nadingin TOPA minin bangzah vei hong kiciamsak ding ka hi hiam?” a ci hi.

17 Tua ciangin Micaiah in, “Israel khempeuh mualtungah a cing om lo tuu bangin a kithehthang ka mu a, TOPA in, ‘Hih mite pu nei lo ahi uh hi. Amaute inn ciatah lungnuamin ciah uh hen,’ ci hi,” a ci hi. ^g

18 Israel kumpipa in Jehoshaphat kiangah, “Amah in kei tungah a hoih khat beek gen ngei lo-a a sia bek gen hi, ci-a hong gen hi lo ka hi hiam?” a ci hi.

19 Micaiah in, “Tua ahi ciangin TOPA thugen za un: TOPA a kumpi tokhom tungah tu a, ama mihonpite khempeuh a taklam le a veilam a kimkotah a ding ka mu hi. 20Tua ciangin TOPA in, ‘Ramoth Gilead sima a sih nadingin kua in Ahab va zol ding ahi hiam?’ ci hi. ^h

“Khat in khat gena, adang khat in a tuam khat a gen hi. 21A nunung penin kha khat a mai-ah pai-in TOPA mai-ah dinga, “Ke’n amah ka zol ding hi,’ ci hi.

22 “TOPA in, ‘Bangci bangin?’ ci-in a dong hi.

“Amah in, ‘Ka paikhia dinga, ama kamsangte khempeuh kamah kha zuau ka va suak ding hi,’ ci hi. ⁱ

“TOPA in pai inla hih in, amah zol lecin na zo ding hi,’ ci hi.

23 “Tua hi a tu-in TOPA in na kamsangte khempeuh kam ah kha zuau a koih khin hi.TOPA in na thuak ding gimna khentat khin hi,” ci-in a thugen a zom lai hi. ^j

24 Tua ciangin Kenaanah tapa Zedekiah paito in, Macaiah maitang a beng hi. Amah in, “Nang hopih dingin kei kiang pan amah hong pai ciangin TOPA kiang pana ▼

▼22.24 Ahikeh Kha pan

a kha in koi lampi pen tawn ahi hiam?” ci-in a dong hi. ^l

25 Micaiah in, “Inn tawngnung sungah na buk ni ciangin na mu khia ding hi,” ci-in a dawng hi. ^m

26 Tua ciangin Israel kumpipa in, “Micaiah paipih unla khuapi ukpa Amon le kumpipa tapa Joash kiangah puakkik un, 27‘Kumpipa in: Bittaka kong tun kik mateng hih pa thong sungah khumin anlum le tuisik longal bangmah pia kei un, ci hi,’ ci-in gen un,” ci-in thu a pia hi.

28 Micaiah in, “Bittaka nong kileh tak leh, TOPA in kei tungah thu a gen lo hi ding hi,” a cikhia hi. Tua ciangin, “No mite khempeuh aw, ka thugen ciamteh un!” a cih beh lai hi.

Ramoth Gilead ah Ahab Kithat

29 Tua ciangin Israel kumpipa le Judah kumpipa Jehoshaphat, Ramoth Gilead ah a kuanto uh hi. 30Israel kumpipa in Jehoshaphat kiangah, “Ka melsel in gal sungah va kuan ningin nang na kumpi puante silh in,” a ci hi. Tua ciangin Israel kumpipa in a mel sela gal sungah a kuan hi. ⁿ

31 Tua laitakin Aram kumpipa in a sakolleng ukte sawmthum le nih thu pia-a, “Israel kumpipa longal aneu alian khatpeuh tawh kido kei un,” a ci hi. 32Sakolleng ukte in Jehoshaphat a muh uh ciangin, “Israel kumpipa hi taktak hi,” ci-in a ngaihsun uh hi. Tua ciangin amah sim dingin a kihei uh hi, ahi zongin Jehoshaphat a kiko khiat ciangin 33sakolleng ukte in Israel kumpipa ahi lohlam thei uh a, amah a delh nawn kei uh hi.

34 Ahi hangin mi khatin a thal kekin mawk lot a, Israel kumpipa kidalnate kikal a kha hi. Kumpipa in a sakol-leng hawlpa kiangah, “Kidona sung panin leng hawlkhia in, hong paikhiatpih in. Ka liam hi,” ci-in a gen hi. 35Sun niloh nasiatakin gal kido-a, kumpipa a sakolleng tungah kingamsa in Aram-te lam nga-in a om hi. A liamma panin sakolleng sungah a sisan luanga tua ni nitak in a si hi. 36Ni tum laitakin galkap khempeuh lakah: “A kuamahpeuh amau khuapi ciat, amau gam ciat ah!” kitangko hi. ^o

37 Tua bangin kumpipa si-a Samaria ah kipua in tua lai-ah a kivui hi. 38Amaute in a sakolleng Samaria a bual (a kizuakte kisilna) ▼

▼22.38 Ahikeh Samaria bual ah galhiamte sawpsiang uh a

ah sil uh a, TOPA thu in a pulaksa bangin uite in a sisan a liak uh hi.

39 Ahab uk sunga thupiang dangte, ama sepsa khempeuh kumpi inn lama saiha tawh a tuam, le khuapite kulh-a a umte Israel kumpite khangthu ciamtehna laibu sungah kigelh hi lo ahi hiam? 40Ahab a pate tawh tawlnga khawm hi. A tapa Ahaziah in luah a kumpi a suak hi. ^q

Judah Kumpi Jehoshaphat

41 Israel kumpi Ahab a kumlina kumin Asa tapa Jehoshaphat Judah kumpi a suak hi. 42Jehoshaphat kumpi a suahin kum sawmthum le nga pha a, Jerusalem ah kum sawmnih le nga sung a mang hi. A nu min Azubah hi-a Shilhi tanu ahi hi. 43Na khempeuh ah a pa lampite zui-in, tuate a pialsan kei hi; TOPA mitah amaanin na a sem hi. Ahi zongin munsangte kihemkhia loin mite in tua lai-ah biakna pia uh a gimnamtui a hal uh hi. 44Jehoshaphat in zong Israel kumpipa tawh kilemna a bawl hi.

45 Jehoshaphat uk sunga thupiang dangte, a matutnate le a galkapte thahatnate Judah kumpite khangthu ciamtehna laibu sungah kigelh hi lo ahi hiam? 46Amah in gam sunga pasal kizuakte’ biakbuknote, a pa Asa man’ khita om laite nangawn a beisak hi. 47Tua ciangin Edom ah kumpi om lo-a, kumpipa nuai-a pa in a uk hi.

48 Tu-in Jehoshaphat in kham zongin Ophir a pai nading sumbuk tembawpite ▼

▼22.48 Hebrew ah Tarshish tembawte

bawla, ahi hangin tuate a paikhia ngei kei hi - tuate Ezion Beber ah kisia hi. 49Tua hun teh Ahab tapa Ahaziah in Jehoshaphat kiangah, “Ka mite na mite tawh tonsak in,” a cih hangin Jehoshaphat in a nial hi. ^s

50 Tua ciangin Jehoshaphat a pate tawh tawlnga khawma, amaute tawh a pa David khuapi ah kivuikhawm hi. A tapa Jehoram in a za a luah hi. ^t

Israel Kumpi Ahaziah

51 Judah kumpipa Jehoshaphat in a uk a kum sawm le sagihna kumin Samaria ah Ahab tapa Ahaziah Israel kumpi suaka, Israel ah kum nih sung a mang hi. 52Amah in a nu le a pa tot lampi le Israel mawhna bawlsak Nebat tapa Jeroboam lampite tawn ahi manin TOPA mitah a sia-in a gamta hi. 53Amah in a pate hihsa bang tektekin Baal na semin bia-a, TOPA, Israel Pasian phinin a hehsak hi.